നിരന്തര മൂല്യനിര്ണയത്തിന്റെ ഭാഗമായി ഹിന്ദിയില് രണ്ട് മേഖലകളാണുള്ളത്. വാചിക പ്രവര്ത്തനങ്ങളും ലിഖിത പ്രവര്ത്തനങ്ങളും
വാചിക പ്രവര്ത്തനങ്ങള് വിലയിരുത്തുമ്പോള് :
ആശയഗ്രഹണം ശരിയായി നടന്നിട്ടുണ്ടോ, സന്ദര്ഭോചിതമായി ഭാഷ പ്രയോഗിക്കുവാന് സാധിക്കുന്നുണ്ടോ, ഭാഷാപരമായ കഴിവുകള് അല്ലെങ്കില് പരിമിതികള് എന്തെല്ലാമാണ്, വിശകലനം, വിലയിരുത്തല് , നൂതന ആശയങ്ങളുടെ അവതരണം എന്നിവയില് ഏതു നിലവാരം പുലര്ത്തുന്നു എന്നീ കാര്യങ്ങളാണ് വാചിക പ്രവര്ത്തനങ്ങളിലൂടെ വിലയിരുത്തുന്നത്. ഇത് നടത്തുന്നത് ആശയം, ആവിഷ്കാരം എന്നീ രണ്ട് ഘടകങ്ങളിലൂടെയാണ്. आलापन, अभिनय പോലെയുള്ള പ്രവര്ത്തനങ്ങളില് അവതരണം നടക്കുന്നത് നേരത്തേ തയ്യാറാക്കിയ ഉപകരണം അടിസ്ഥാനമാക്കിയാവാം. അതുകൊണ്ട് ഇതിനെ അവതരണത്തിനായുള്ള വിലയിരുത്തലായെടുക്കാം. എന്നാല് वार्तालाप, संगोष्टी, भाषण, समाचार वाचन, वाद-विवाद, साक्षात्कार, प्रशनोत्तरी, चर्चा എന്നിവക്കായി കുട്ടികള്ക്ക് സ്വന്തമായി ലിഖിത പ്രവര്ത്തനത്തില് ഏര്പ്പെടേണ്ടതായി വരും. എഴുതുമ്പോഴും അവതരിപ്പിക്കുമ്പോഴും വാചിക പ്രവര്ത്തനങ്ങളുടെയും ലിഖിത പ്രവര്ത്തനങ്ങളുടെയും വിലയിരുത്തല് നടത്താവുന്നതാണ്.
ഇതിനായി ബോധനതന്ത്രങ്ങള് തയ്യാറാക്കുമ്പോള് എല്ലാ തരത്തിലുമുള്ള കുട്ടികളുടേയും സജിവ പങ്കാളിത്തം ഉറപ്പാക്കണം. cwsn കുട്ടികള്ക്കായി പ്രവര്ത്തനങ്ങള് എളുപ്പമാക്കാന് പ്രത്യേകം ശ്രദ്ധിക്കണം. आशयग्रहण നടന്നുവെന്ന് അദ്ധ്യാപകനും, ഏതെല്ലാം മാനദണ്ഡങ്ങളിലൂടെയാണ് വിലയിരുത്തല് നടക്കുന്നത് എന്നും കുട്ടികള്ക്കും ബോദ്ധ്യമായതിനു ശേഷം മാത്രമേ അവതരണവും വിലയിരുത്തലും നടത്താവൂ. വിവിധങ്ങളായ പ്രവര്ത്തനളിലൂടെ ഓരോരോ കുട്ടിയിലുമുള്ള വ്യത്യസ്തമായ കഴിവുകള് വിലയിരുത്തപ്പെടേണ്ടതുണ്ട്. അങ്ങനെയാവുമ്പോള് പിന്നില് നില്ക്കുന്ന കുട്ടികള്ക്ക് നല്കുന്ന പഠനപ്രവര്ത്തനങ്ങള് വേറെവേറെയാകാം. അപ്പോള് വിലയിരുത്തല് നടത്തുമ്പോള് അതീവ ശ്രദ്ധ ആവശ്യമാണ്.
ലിഖിത പ്രവര്ത്തനങ്ങള് വിലയിരുത്തുമ്പോള് :
അന്വേഷണാത്മകം, സര്ഗാത്മകം, സംവാദാത്മകം എന്നീ ഉയര്ന്ന മാനസികതലങ്ങളെ അടിസ്ഥാനമാക്കിയുള്ള ഭിന്നങ്ങളായ സാഹിത്യ വ്യവഹാരങ്ങളാണ് ലിഖിത പ്രവര്ത്തനങ്ങള് വിലയിരുത്തുമ്പോള് കടന്നു വരുന്നത്. ഉത്പന്നങ്ങളെ വിലയിരുത്തേണ്ടതായും വന്നേക്കാം.
निबंध, लघुलेख, सूचना, आवादन-टिप्पणी, साक्षात्कार प्रश्नावली, टिप्पणी, वर्णन, विवरण, यात्रावृत्त, डायरी, संस्मरण, पत्र, संपादकीय, रपट/समाचार, विज्ञापन वाक्य, संगोष्टी आलेख, विश्लेषण टिप्पणी, तुलनात्मक टिप्पणी എന്നിവ വിലയിരുത്തലിനായി തെരെഞ്ഞെടുക്കാം. ആശയം, ആവിഷ്കാരം എന്നീ രണ്ട് ഘടകങ്ങളേയും ശ്രദ്ധിക്കപ്പെടേണ്ടതുണ്ട്.
ലിഖിത പ്രവര്ത്തനങ്ങള് വിലയിരുത്തുമ്പോള് ലിപിയിലും എഴുത്തിലും ശ്രദ്ധിക്കുമ്പോള് വാചിക പ്രവര്ത്തനങ്ങള് വിലയിരുത്തുമ്പോള് മുഖഭാവ (ഓളം)വും ശാരീരിക ചെഷ്ഠകളുമാണ് വിലയിരുത്തപ്പെടുന്നത് എന്നു കാണാം.
